Esta semana, Lía trouxo o libro viaxeiro no que traballou sobre a CABAZA.
Contounos que existen moitas variedades de distintos tamaños, cores e formas. E trouxo fotos para ensinarnos:
A cabaza é da familia das curcubitacas. É unha pranta trepadora, que moitos de nós as vemos entre o millo porque é costume sementalas cando se sementa o millo e recollelas cando este. O seu froito ó madurar endurece a súa casca o que fai que as SEMENTES que almacenan duren mais dun ano en bo estado para prantar de novo. Prantanse polo mes de Abril ou maio e recollense en outubro.
Esta é a pranta da cabaza con follas grandes verdes e flores amarelas.
A cabaza úsae como alimento para animais ou como ingrediente para as nosas comidas, pero ademais disto ten outros usos mais "especiais" como :
Recipiente para líquidos, obxectos decorativos ou instrumento (maraca)
Para estes usos debe deixarse secar antes.
Buff!!! e quedaba o mais importante atrás: para facer CABAZAS DE SAMAÍN e meterlle un susto a alguén.
Receitas :
BISCOITO DE CABAZA
300 gr de cabaza en puré
300 gr de fariña
levadura
4 ovos
120 gr de manteiga
200 gr de azucre.
Mistúranse os ovos co azucre, engádese a cabaza misturada previamente coa fariña e a levadura e a manteiga derretida. Remóvese ben e nun molde con manteiga ó forno a 180º durante 45 minutos.
CHULAS DE CABAZA
4 ovos
200 gr de cabaza ou calacú en puré
fariña
leite
un pouco de sal
Misturase todo e fritense en aceite de xirasol en pequenas cantidades.Engádeselle azucre por riba unha vez fritas.
Lía trouxonos unha cabaciña e un calacú que tocamos, ulimos, partimos pola metade e tamén a proba das súas receitas. vaia familia de cociñeiros!!!! Estaba todo moi rico.
Ningún comentario:
Publicar un comentario